CLICK ONE CLICK

முகம் போட்டிக்கு

2011-01-23T20:24:00.000-08:00

வெகு நாட்களாக போட்டிக்கு எதுவும் படம் அனுப்பவில்லை. இம்முறை முகம் தலைப்பு பிடித்திருந்தது... இப்படம் முதல் சுற்றில் தேர்ந்தெடுக்கப்பட்டிருப்பது மகிழ்ச்சி.

.

முதலில் இந்த படத்தை அனுப்ப எண்ணி இருந்தேன். பிறகு அதன் பின் புலம் அவ்வளவு கச்சிதமாக இல்லை என்று விட்டுவிட்டேன். விளையாட்டில் குழந்தைகளின் மகிழ்ச்சியைப் பாருங்களேன். ஜெயிப்போமோ என்று ஒரு பையனுக்கு யோசனை போல.

மெர்ரி க்ரிஸ்மஸ் :)

2009-12-24T23:03:00.000-08:00

இது எங்கள் வீட்டு கிருஸ்துமஸ் மரம். பரிசு எல்லாம் அலங்காரம் தான்.உண்மையான பரிசு மகனுக்கு தாமஸ் த ட்ரயின் ஸ்டிக்கர் புக்.ஆங்கிலம் ஸ்மால் லெட்டர் எழுதப் பழகுவதற்கு... கிருஸ்மஸ் தாத்தா ராத்திரியே கொண்டுவந்து வச்சிட்டுப் போயிட்டாராம். :)

இது எங்க ஊரு ஷாப்பிங் மால் கிருஸ்துமஸ் அலங்காரங்கள்.உள் அலங்காரங்கள் ஸ்னோ மேன்.சாண்ட்டாவோட வீடும் வீட்டுக்குப் போகிற வழியும்...

அன்பென்ற மழையிலே அகிலங்கள் நனையவே அதிரூபன் தோன்றினானே என்ன ஒரு அழகான பாடல் இல்ல ..
மெர்ரி கிரிஸ்த்மஸ் :)

சபரி துணுக்ஸ் : பள்ளிக்கூடத்துல கிருஸ்துமஸ் பார்ட்டிக்கு கிளம்பறார்.

கிருஸ்துமஸ் தொப்பி போட்டுக்கோடா ..
நோ நான் என்ன தாத்தாவா? என்கிட்ட என்ன ஸ்லெட்ஜா இருக்கு .. சைக்கிள் தான் இருக்கு
இல்லடா பர்த்டே தொப்பி டா
ஓகே ஜீஸஸ் பர்த்டே பார்ட்டி ஆரம்பிக்கும் போது போட்டுக்கிறேன் பேக்லயே வைங்க ...

SAME PINCH

2009-08-06T20:38:00.000-07:00

இது என்ன இடம்?

2009-07-12T23:36:00.000-07:00

இங்கே இருக்கின்ற படங்களில் உள்ள இடங்களெல்லாம் உங்களுக்கு தெரிந்த இடம் தானே? தமிழில் புகைப்படக்கலை போட்டிக்கு எது சரியான தேர்வு ?

இந்தியா கேட் ஐ அருகிலிருந்து எடுக்க நினைத்திருந்தேன். அடிக்கின்ற வெயிலில் அது நடக்காத காரியம்.. கார் நிறுத்துமிடத்திலிருந்து வெகு தூரம் நடக்கவேண்டும். அதற்கு பதிலாக காரிலிருந்தே எடுக்க வசதியான இடமாக தேர்ந்தெடுத்து சென்றோம். புது கேமிராவில்(கேமிரா CANON DIGITAL IXUS 9515) படங்கள் எடுக்க இன்னும் கொஞ்சம் பழகவேண்டும். .

இவர் பெயர் என்ன?- மே மாதப்புகைப்படம்

2009-05-11T16:04:00.000-07:00

பறவைகளுக்கு பஞ்சமே இல்லைங்க எங்கவீட்டு பால்கனியிலிருந்து பார்த்தா ஒரு பறவைகள் சரணாலயம் ரேஞ்சுக்கு நிறைய பறவைகளைப் பார்க்கலாம். ஆனால் படம் எடுக்கறதுங்கறது சாதாரண விசயம் இல்லை. அது விருட் விருட்டுன்னு பறக்கும்.. ஒரு செகண்டு க்கொருமுறை அங்க இங்க பார்க்கும். இருந்தாலும் அவ்வப்போது க்ளிக்கி வைப்பது தான்.
தமிழில் புகைப்படக்கலை போட்டிக்காக இந்த மாதம் அனுப்புவதற்கென்றே ஒற்றைக்காலில் கொக்காட்டம் தவமிருந்து எடுத்த படங்களில் சிலவற்றை கூகிளில் போட்டிருக்கிறேன். போட்டிக்கான படம் இது தான். ( பெயர் என்னப்பா சொல்லுங்க ) ரொம்ப குட்டியூண்டு குருவி இது .. பறக்கும்போது அலைமாதிரி மேலும் கீழுமா பறக்கும்.

மேலே இருக்க படம் எடுக்கறதுக்கு முன்ன அடிக்கடி அங்க இங்க திரும்பி அது ரொம்ப படுத்திடுச்சு..

மயிலும் பருந்தும் நேற்று அருகில் வரவில்லை. லேப்விங் வந்தது ஆனால் என் கேமிரா க்ளோசப் போகவில்லை. சரி என்று என் வீட்டு பால்கனியில் அரிசி சாதம் என்று விருந்து வைத்து அழைத்தபோது வந்த பறவைகளை எடுத்திருக்கிறேன்.

கம்பத்தோடு கம்பமாக இருப்பவர் தலையைத் திருப்பி தரிசனம் தர எத்தனை நேரம்?

கம்பீர நடை போட்டவள் போட்டோ க்ளிக்கும்போது மட்டும் தலையை மேஜிக்கில் மறைத்துவிட்டாளே .

ரெடி 1 ..2..3.. ஆக்ஷன் - கண நேரக்கண்ணாடி

2009-02-09T18:32:00.000-08:00

முதலில் அலைவந்து அழிக்க நினைக்கும் காட்சியைத்தான் போட்டிக்கு அனுப்ப எண்ணினேன்.. இது என் தம்பியின் கேமிராவில் எடுத்தது. கொஞ்ச நாட்களாகவே என் சாதா கேமிராவில் எடுப்பதை போட்டிக்கு அனுப்புவதில் மனதிற்கு சம்மதமில்லை. ;)

சமீபத்தில் தோழியின் மகளை தோழியின் கேமிராவால் படம் பிடித்துக்கொண்டிருந்தேன்..அதில் சிக்கிய சில கண நேரக்கண்ணாடிகள் அழகாக இருந்தபடியால் அவற்றில் முதல் சுற்று இரண்டாம் சுற்றுக்கு விட்டு தேர்ந்தெடுத்த போட்டிக்கான படம் கடைசியில் இருக்கிறது...

அழகான பொண்ணுதான் அதுக்கேத்த கண்ணுதான்!!

2008-11-10T22:07:00.000-08:00

சிறுமுயற்சி கங்கா ஆரத்தி பதிவில் இந்த அழகான பெண்ணைப்பற்றி எழுதியதும் எல்லாரும் படம் ஏன் போடலன்னு கேட்க ஆரம்பிச்சிட்டீங்க..ரொம்ப ஆர்வப்படுத்திட்டு நல்லா இல்லன்னா என்ன பண்ரதுன்னு பயம் . ஆனா எடுத்த விதம் வேண்டுமானால் இன்னும் நல்லா இருந்திருக்கலாமே தவிர அவளின் கண்களிலும் உதட்டிலும் மின்னும் சின்னபுன்னகை அழகுதான் அதில் மறுப்பதற்கு ஏதுமில்லை.

அவளைத்தான் நான் புகைப்படமெடுக்கிறேன் என்று தெரிந்ததும் ஒரு விதப் பெருமையோடு சிரித்துக்கொண்டாள். தேர்ந்த ஒரு மாடலைப்போல ஆடாமல் அசையாமல் புன்னகையும் மாறாமல் இருந்தாள். விளக்கு வாங்கி விடவேண்டும் என்று மகள் ஆசைப்பட்டபோது அந்த பெண்ணிடமே வாங்க விரும்பினேன் . ஒரு நன்றி தான். ஆனால் அவளைவிட சிறுவன் ஒருவன் இருந்ததால் அவள் அவனிடம் வாங்கும்படி சொன்னாள். எனக்கு அதன் பின்னர் திருப்தியாக இல்லை. பின்னர் மகனுக்காக வாங்கும்போது தேடிப்போய் அவளிடமே வாங்கினேன்.

ஒரு வெளிநாட்டவர் ஒரு பெண்மணியை புகைப்படமெடுக்க முயன்றார். அந்த பெண்மணி உடனே சரியாக அமர்ந்து கொண்டார். உடனே அவர் புகைப்படமெடுப்பதை விட்டுவிட்டு சிரித்தார். " நோ நோ நாட் லைக் திஸ் " என்று முன்பு தாவாங்கட்டைக்கு முட்டுக்கொடுத்தமர்ந்த அவளைப்போல நடித்துக்காண்பித்து அதேபோல் அமர்ந்ததும் படம் எடுத்து சென்றார். அவர் சென்றபின் வெகுநேரம் வெக்கச்சிரிப்புடனே இருந்தார்கள் அந்த பெண்மணி.

இவரைப்படம் எடுக்க எனக்கு பயமாக இருந்தது. அவரும் அவ்வப்போது கவனித்துக்கொண்டு தானிருந்தார். அவர் வெறெங்கோ பார்க்கும்போது சட்டென்று எடுத்துவிட்டேன். அவர் என்னை முறைத்துப்பார்க்க ஆரம்பிப்பது போல் இருந்தது ஓடிவந்துவிட்டேன். பாருங்கள் வெறெங்கோ பார்ப்பது போல ஆனால் புகைப்படத்துக்கு நேராகத்தான் தலையை வைத்திருக்கிறார். படம் எடுத்துவிட்டு காசு கொடுப்பார்களா இருக்கலாம். அது இன்னமும் எனக்குப் பழக்கமாகவில்லை.

காசிக்கு போய் பதிவெழுதுவதை விட்டுவிடவில்லை

2008-11-05T04:35:00.000-08:00

காசிக்கு போனால் எதையாவது விடவேண்டும் என்று நான் பதிவெழுதுவதை விட்டுவிட்டேனென்று தமிழ்பிரியன் கிளப்பிக்கொண்டிருக்கும் புரளி தான் அவசரமாக இப்பதிவினை எழுதத்தூண்டியது. காசி அலகாபாத் செல்லும் பயணத்தை ஒரு புகைப்படப்பயணமாக நினைத்துக்கொண்டு என் ஸ்டேட்டஸ் மெஸேஜாகக் கூடப் போட்டுவைத்திருந்தேன். சிவி ஆர் மட்டும் தான் அடிக்கடி புகைப்படப் பயணம் போவாரா? நாங்களும் போவோம்ல..

ஆனா எனக்கு ஒரு முறை போட்டோ எடுக்க வாய்ப்பு தா என்று கேட்டுகொண்டே சின்னக்கேமிரா மேனும் அடம்பிடிப்பதால் சமாளித்து எடுப்பதற்குள் போதும் போதும் என்றாகிவிட்டது. வீடியோ வாக நிறைய எடுத்துவிட்டதும் புகைப்படங்கள் அதிகம் எடுக்காததற்கு காரணம்.
கையோடு நிறைய காலி சிடிக்கள் இருந்ததால் வீடியோ எடுக்கும் ஆசை அதிகமாகிவிட்டது.

வீடியோவை எடுத்து முடித்தவுடன் அது சேமிக்க எடுத்துக்கொள்ளும் நேரத்தில் பொறுமையாக காத்திருக்காமல் அவசரப்பட்டு போட்டோவுக்கு மாற்றுவதால் எடுத்த பகுதிகள் சில வற்றை இழக்க நேரிடும் என்பதை இப்பயணத்தில் புரிந்து கொண்டேன்.
இரவில் படம் எடுக்கும் போது பயன் படுத்த என்று "நைட் ஷாட் ப்ளஸ் " என்ற ஒரு பட்டன் இருப்பதையும் இம்முறை தான் பயன்படுத்தினேன்.

சாதுக்களின் நகரத்திற்குப் போய்விட்டு சாதுவைப் புகைப்படமெடுக்காவிட்டால் எப்படி? கங்கைக்கரையில் ஒரு சாது.
அவ்வப்போது இங்கே சில படங்களை பதிவிடுகிறேன்.

கண்ணன் பிறந்தான்.....

2008-08-23T09:54:00.001-07:00

கண்ணன் பிறந்தான்.hammaa வில் பிண்ணனியில் கண்ணன் பாட்டு இசை ஒலிக்கும் வேளையில் தவழ்ந்து வந்த கண்ணன் கீரிடம் , மாலை அணிந்து, திண்டு மெத்தையில் சாய்ந்தபடி நனைத்த அவல், சீடை உண்ணுகிறான்.

மெகாப்போட்டிக்கு ஒரு குட்டியூண்டு குருவி

2008-08-14T06:43:00.000-07:00

தமிழில் புகைப்படக்கலையின் ஆகஸ்ட் மாதமெகாப்போட்டிக்கான படம் இந்த முதல் படம்.

சிவிஆரின் ப்ளாக்கரில் படம் பெரியதாகக் காட்டுவது எப்படி? படிச்சு படம் பெரிதாகவும் வழக்கமான படம் சிறிதாகவும் எப்படி இருக்கும்ன்னு இன்று படித்த பாடத்துக்கு படம் காட்டியாச்சு..

வழக்கம்போல மொபைல் கேமிரா புகைப்படம் தான் .இந்த சின்ன பச்சை நிறக்குருவி பால்கனியில் இருக்கும் கண்ணாடியில் தன்னைத்தானே பார்த்து கொத்திக்கொண்டே இருக்கும். விரட்டினாலும் மீண்டும் மீண்டும் வருவது வழக்கம். கதவு திறந்திருந்தால் வராது. அதனால் கொசு நுழைய முடியாத வலைக்கதவின் உள்ளே இருந்து தான் புகைப்படம் எடுக்க முடிந்தது.

இயற்கையின் நிறங்கள்

2008-08-07T06:28:00.000-07:00

தில்லி வனவிலங்கு காட்சியகத்தில் எடுத்த சில மொபைல் கேமிரா படங்கள்.

சர்பத் ஐஸ்காரர்

2008-06-13T06:14:00.000-07:00

இந்தியா-பாக் பார்டரில் .. ஐஸ் குச்சியில் கலரை ஊத்தி வித்துக்கிட்டிருந்தார்.. அந்த இடத்தில் தான் எத்தனை தேசியப்பற்றுங்கறீங்க.. குச்சி ஐஸ் தொப்பின்னு அமோக விற்பனைதான்.. இது ஜூன் மாதப்போட்டிக்கு ...

ஜோடின்னா இதுவல்லவா ஜோடி!!

2008-05-12T23:55:00.000-07:00

நாட்டுல எல்லா இடமும் சுத்தமா அழகா இருக்கனுங்கறதுக்காக வெயிலிலும் மழையிலும் நிக்கறாங்க பாருங்க இவங்க தானே சிறந்த ஜோடி..

இதுல எது சிறந்த ஜோடியோ அவங்களை அனுப்பலாம் ஜோடி போட்டிக்கு....

தனிமையாய்.....

2008-04-15T06:00:00.000-07:00

அவசரமா கடைசி நாளில் போடனுமேன்னு பழய படங்களைத் தேடி பிடித்ததில் இந்த கழுகாரும் பூனையாரும் தான் தனிமையில் வாடியவங்க..
அப்படியே பதிவில் இணைத்துவிட்டேன்.. எந்த பிற்சேர்க்கை வேலயும் செய்யவில்லை.. செய்ய நேரமும் இல்லை .. :-(
கழுகாரைத்தான் ஏப்ரல் 2008 போட்டிக்கு இணைக்க எண்ணம்.. ஆனா எந்த கழுகார் முதலா இரண்டாவது தெரியலயே.. யாரச்சும் சொல்லுங்க.. இன்னும் நேரம் இருக்குல்ல.. :-)

வட்டத்துக்குள் வானம்

2008-03-14T05:32:00.000-07:00

மார்ச் மாத போட்டிக்கு பிரதிபலிப்புன்னு சொன்னதும் என்ன படம் எப்படி எடுக்கறதுன்னு ரொம்ப யோசனை செய்யவே இல்லை.. ஏகப்பட்ட வேலை அப்பறமா யோசிக்கலாம் அப்பறமா யோசிக்கலாம்ன்னு தள்ளிப்போட்டே நாட்கள் ஓடிடிச்சு.. கடைசியில் எப்படியும் எடுத்தே ஆகவேண்டிய நாள் வந்ததும் பிரதிபலிப்புன்னா நினைவுக்கு வந்தது அடுப்படியில் பாத்திரம் பிரதிபலிக்கறது தான்.. சரிதான் அதுலயே இதுவரை வேலைக்காரங்களிடம் போட்டு கீறல் விழாத பாத்திரமா எடுத்து மெதுவா தண்ணீரில் அலசி வெயிலில் காயவச்சு எடுத்தாச்சு..

எதுக்கும் இருக்கட்டுமே என்று புதுசா போட்ட க்ரானைட் அலமாரிக்கும் ஒரு விளம்பரம்.. ஆகா என்ன பளபளப்பு பாருங்க ...

முதல் இரண்டு படங்களும் மார்ச் மாதப்புகைப்படப் போட்டிக்கு .

வட்டம் - மணிகள்

2008-02-07T22:08:00.000-08:00

ஜிம்ப் தரவிறக்கி சுத்தியும் கட்டம் கட்டிய முதல் புகைப்படம் இது. புது ட்ரைப்பாட் வைத்து எடுக்கப்பட்டு போட்டிக்கு அனுப்பும் முதல் படமும் இதுவே தான்.

இன்னும் ரிஃப்ளக்டர் எல்லாம் வைத்து எடுத்த முயற்சியும் கூட இந்த படத்தில் முதல் முதல் என்று நிறைய சிறப்பம்சம் இருக்கின்றது. ஸ்டூடியோ செட்டப் கூட சென்றமாத தொலைபேசிக்கான ஸ்டூடியோ செட்டப்பை விட முன்னேறிய வகையில் எடுக்கப்பட்ட படம்.

தனித்தனியாக விமர்சனம் கிடைப்பது வேறு ஆர்வம் அதிகமாக்குகிறது.

கணிதம் போட உதவும் அபாக்கஸ் வட்டமணிகள்.

தோடுகளும் கழுத்தணியும் செய்ய உதவும் மணிகள்.

பிக்ஸ்ல் குழப்பம் தான் இன்னமும் நிறைய இருக்கு..

நான் எடுக்கும் போது 1152 x864 ல் எடுப்பதா செட் செய்திருந்தேன் . இப்ப பதிவில் ஏத்திட்டுப் பார்த்தா 500 பக்கத்துல தான் காட்டுது.. ஹ்ம்.. :(

இங்கே சில வேறுவிதமான முயற்சியில் எடுக்கப்பட்ட புகைப்படங்கள்,

ஜனவரி புகைப்படப்போட்டிக்கு ...

2008-01-15T06:45:00.000-08:00

தினம் என்ன நிமிடங்களுடன் கூட இணைந்தே இருக்கும் இந்த கருப்புகுதிரை....

விளக்கு அதுவும் அலங்கார விளக்கு என்றால் ஒருமயக்கம் தான். இந்தமாதப்போட்டிக்காக தனியாக எடுக்க இயலவில்லை. முன்பே ஒரு முறை இப்படிப்பட்ட அலங்கார விளக்கு உறவினருக்காக வாங்க சென்ற போது எடுத்த இந்த புகைப்படம் மிகவும் பிடிக்கும் .

கணினி பழுதாகி கடைக்கு சென்று இப்போது தான் வந்திருக்கிறது என்பதால் பிற்தயாரிப்பு செய்ய அறதபழசான போட்டோஷாப் 4 வெர்ஷன் கூட திருப்பி டவுன்லோட் செய்ய இயலாமல் அப்படியே எடுத்து படங்களை இங்கே இடுகிறேன்..

இது எந்த செடியில் பூத்தபூ?

2007-12-11T21:11:00.000-08:00

மூன்றுவிதமா எடுத்திருந்தாலும் எல்லாம் ஒரே பூங்கொத்துதான்.. எந்த செடியில் பூத்தப்பூ சொல்லுங்கப்பூ பாக்கலாம்.

எத்தனையோ விதமான பூ படம் வந்திருக்கும் இந்த பூப் படம் வந்திருக்கா போட்டிக்கு ?

இந்த வெள்ளைப்பூவும் முதல் படமும் டிசம்பர் மாத புகைப்படபோட்டிக்கு...

ஃப்ளாஷ்பத்திய ஒரு ப்ளாஷ்பேக்

2007-11-17T11:12:00.000-08:00

முதன் முதலா கோனிகா கேமிரா வாங்கினப்போ சந்தோஷத்துக்கு அளவே இல்லை.. என் சம்பாத்தியத்தில் வேற வாங்கினேனா சொல்லனுமா ... அப்புறம் அதையும் இதையும் எடுத்து கத்துக்கிட்டு இருக்கும்போதே மணிரத்னம் படம் மாதிரி நமக்கும் இருட்டுல வித்தியாசமா கலைநயத்தோட படம் எடுக்கனும்ன்னு ஆசை வந்துருச்சு...

உடனே ஒரு மெழுகுவத்தி ஸ்டேண்ட் எடுத்து அதுல மெழுகுவத்தியை ஏத்திவச்சு ஒரு கண்ணாடி க்ளாஸ் வேற இருக்கும் அதுக்கு அதையும் போட்டு வச்சேன்.. மாடலா நிக்க என் தம்பியைக் கூப்பிட்டு "வா வந்து அப்படியே கன்னத்துல கை வச்சு போஸ் கொடுடா.. எதோ யோசிக்கற மாதிரி இருக்கனும் சொல்லிட்டேன்"னு பிசி ஸ்ரீராம் ரேஞ்சுக்கு டைரக்ட் செய்து அவனும் நல்லா போஸ் கொடுத்தான்..

லைட்டு எல்லாம் அணைச்சுட்டு இருட்டுல க்ளிக்கியாச்சு க்ளிக்கினப்பறம் தான் தெரிந்தது அந்த கேமிரா ப்ளாஷ் அடிக்காதேன்னு சொன்னாலும் இருட்டுல தானாவே அடிச்சிடும் ன்னு. பிரிண்ட் போட்டப்ப பாத்தா ஒரு வித்தியாசமும் இல்லை.. பகல் போல வெளிச்சமா அதுல மெழுகுவத்தி பக்கத்துல சூப்பரா தலைவர் யோசிச்சிட்டு இருக்கார்.. :)

அதுக்கப்பறம் ரொம்ப நாள் கழிச்சு வாங்கின பெண்டக்ஸ் எம் 30 ல்
இருட்டுல எடுக்க தனியா ஒரு ஆப்சன் இருந்தது கை ஆட்டாம வச்சிருக்கனும். அது கொஞ்ச மெதுவா ஷ்ட்டர் திறந்து மூடும்.. அதுல எடுத்த படத்தை இப்ப இங்க போட முடியாது .. ஸ்கேன் பண்ண வசதி இல்லை.
சிங்கப்பூரில் ரொம்ப பக்கத்துல புலியை எடுத்தேன்.. கண்ணாடி க்கு பின்னால இருந்தது . கொஞ்சம் உத்து ப்பாக்கணும் படத்தை அவ்வளவுதான்.

அப்பறம் ரோல் வாங்கி கட்டுப்படியாகாத அளவு என்னோட போட்டொ எடுக்கும் ஆசை அதிகமா ஆனதால் வீடியோ கேமிராவுலயே எடுக்க ஆரம்பிச்சிட்டேன் .
அதுல கொஞ்சம் தரம் கம்மியா தான் இருக்கும் இருந்தாலும் கண்டதை எடுக்க வசதியான டிஜிட்டல் கேம்ராவாச்சே.. எடு அழிச்சுக்கோ கணினியில் குப்பையா சேத்துவச்சுக்கோன்னு இருக்கேன். .. இது எல்லாம் சர்வேசனின் முதல் "இரவு" புகைப்படம் பார்த்ததால் சுற்றப்பட்ட கொசுவத்தியே...

இது சர்வேசனின் தக்காளி வெங்காயம் உருளை புகைப்பட போட்டிக்காக முதலில் எடுத்த இரவுப்படம்

இது மூணாறு டீகவுண்ட்டியில் புதுவருடத்துக்கு அலங்கரிக்கப்பட்ட மரங்கள்.
இது மைசூர் அரண்மனை விளக்குகளால் அலங்கரிக்கப்பட்ட ஒரு ஞாயிறு மாலையில் எடுத்தது.

ஓரம்போ ......

2007-11-12T03:02:00.000-08:00

இது தாங்க டில்லியின் விஐபி ஏரியா அரசாங்க அதிகாரி எல்லாம் இங்க தான் இருக்காங்க.. முக்கால்வாசி இந்த ரோட்டுலதான் நாங்க போறது....சிக்னல் இல்லை டிராபிக் இல்லை.. சுத்தி சுத்தி போற சாலை .... முதல் முதலா சின்ன ஊரிலேர்ந்து இங்க வந்தப்போ ரொம்பவே அசந்து போனது இந்த பெரிய சுத்தமான சாலைகள்.

(முதலாவதும் இந்த புகைப்படமும் போட்டிக்கு...)

இது எம்பஸி எல்லாம் இருக்கற சாலை.. கொடியெல்லாம் கலர் கலரா இருக்கு.. ஆனா நான் எடுத்த மொபைல் போன் போட்டோல அத்தனைக்கு தெளிவா இல்லைல்ல நானும் கலந்துக்குவேன்னு பிடிவாதமா மாசமாசம் போட்டியில் கலந்துக்கறேன் போன மாசம் விட்டுப்போச்சு

பார்டர் போட இன்னும் ஜிம்ப் தரவிறக்கலை.. தீபா க்ளாஸ் எடுத்தும் பார்டர் போட போட்டோஷாப் ஒத்துழைக்கலை .. அதனால் இந்தமுறை பார்டர் உதவி: ஒப்பாரி.நன்றி ஒப்பாரி.

பி.கு(ஓரம்போ....... உங்களை இல்லங்க என்னைத்தான்..

போட்டியில் முதல் சுற்றுல ஓரம்போ ன்னு வெளிய வர்ரது என் படம் தாங்க அதான் இந்த தலைப்பு)

வண்ணங்கள் செப்டம்பர் போட்டிக்கு

2007-09-07T12:10:00.000-07:00

மூவர்ணம் கையிலும் மூவர்ணம் உடையிலும் ...

கண்ணைப்பறிக்கும் வண்ணங்களுடன் மெழுகுவத்திகள்
படம் எடுக்கப்போகிறோம் என்றதும் அந்த கடையில் இருந்த சின்ன பையன் வெட்கப்பட்டுக்கொண்டு இருங்கக்கா என்றபடி கீழே ஒளிந்து கொண்டான்.:)

வர்ணங்களால் ஒரு தோரணம்

2007-08-25T10:45:00.000-07:00

வானில் இயற்கையின் வர்ணக்கோலம்

செயற்கையாய் ஒரு வர்ண மாவிலைத்தோரணம்

வாயிலில் வண்ணமயமாய் ஒரு வரவேற்பு

வண்ண வண்ண மெழுகுவத்தியால் வணங்குவோம் மாதாவை....

குட்டிப்பையனும் தங்கமும்

2007-08-04T05:52:00.000-07:00

முதல் இரண்டும் போட்டிக்கு,

ஆச்சி தலையாட்டி ஆட்டி பேச ஆனந்தமாய் ரசிக்கும் குட்டிப்பையன்

பொக்கைவாய் சிரிப்பழகன்

குழந்தையும் தெய்வமும் (பக்திபரவசமான காட்சி)

நாணிக்கோணியபடி தங்கமயில்

திருட்டுப்பூனை

2007-08-03T01:12:00.000-07:00

என் வீட்டில் பாலைத்திருடிக்குடிச்சிட்டு ஓடியா ஒளிஞ்சிருக்க அடுத்தவீட்டு பால்கனியில்?

பாலைக்குடிச்சிட்டு தூக்கம் வருதாக்கும்?

என்னப்பாக்குற உன்னைத்தான் படம் எடுக்கறேன் திருட்டுப்பூனையே!.

இயற்கை வரைந்த கோலம்

2007-07-17T07:48:00.000-07:00

பூவுக்குள்ள பூவா? வரைந்து வச்சது யாரு?

உறங்கப்போகும் ஆதவன் வண்ணங்களில்

வரையும் நவீன ஓவியம்

சோம்நாத்பூர்

2007-07-17T05:02:00.000-07:00

சிறைக்குள்ளே பிறந்தாயே கண்ணா? வளர்ந்தும் கம்பிக்கு பின்னால் ஏன்?

தலக்காடு

2007-07-17T01:35:00.000-07:00

இவ்வளவு பெரிய கோயில் மண்ணுக்குள்ளே புதைந்து இருந்ததாம். அகழ்வாய்ந்து கிடைத்திருக்கிறது.

பக்கத்தில் இருக்கும் மணல் மலையைப்பார்த்தீர்கள் இல்லயா?

மீண்டும் மணல்மூடாதிருக்க கிணறு போன்றதொரு
அமைப்பு . இது போன்ற ஐந்து கோயில்கள் . பஞ்சலிங்க கோயிலில் இது ஒன்று.